АҶАБ ДУНЁЕ!

Одам ба калонҳо хизмат кунад, ба назари хурдҳо ганда менамояду ба хурдҳо хизмат кунад, калонҳо бад мебинанд.

***

Пул набошад, шабҳо хобатон намебарад, ки чӣ хел ёбед? Пул бошад, боз шабҳо бедорхобӣ мекашед, ки чӣ хел онро зиёд кунед.

***

Баъзеҳо чунон фарбеҳанд, ки зимистон берун бароянд, гӯшташон ях мекунаду тобистон бароянд, равғанашон об мешавад.

***

Ба ҷуз қонуни тағйирёбии табиат тамоми чизҳо тағйир меёбанд.

***

Чизе даркор шавад, он гоҳ мефаҳмед, ки он чиз дар ҳақиқат даркор аст.

***

Дар як рӯз сад хирадманд мурад, ки як нодон дарди сар намешавад.

***

Баъзеҳо рӯйирост дурӯғ гуфта истода, ҳатто сурх намешаванд.

***

Занон худ намедонанд, ки чӣ мехоҳанд, вале таъмини иҷрои бечунучарои онро аз мардҳо талаб мекунанд.

***

Баъзеҳо доноӣ карда, аз худашон фарсахҳо пеш мераванд.

***

Аҳмақон ҳамеша хушбахтанд: зеро онҳо аҳмақии худро намедонанд.