ФАЛСАФАИ ЗИНДАГӢ

Нағзии аз ҳад нағз ҳам бад аст.

***

Мӯй ки сафед шудан гирифт, дафтари аъмоли умри инсон ҳам сиёҳтар шудан мегирад.

***

Бо роҳи беобрӯйӣ зуд соҳиби иззату обрӯ шудан мумкин будааст.

***

Бо бадахлоқу бетавфиқон гашта, ҳанноти гузаро нашавед, донед, ки тараққиёт дар ҳаётатон рух намедиҳад.

***

Агар касе шуморо гов ë хар гӯяд, хафа нашавед. Зеро одамон барои якдигар оинаанд.

***

Виною арақу нашъаву сигор нанӯшеду накашед, солим мегардед ва охиру оқибат соғу саломат мемуред.

***

Аблаҳ аз аблаҳии худ оқилона истифода бурда натавонад, дар ҳақиқат аблаҳ аст.

***

Занон бухсу ғубори дилашонро ҳамчун қурбоққа бо қур-қур набароранд, торс кафида мемуранд.

***

Ақли дурбин гоҳо наздикро ҳам намебинад.

***

Боварӣ ба худ аз нодонӣ сар мезанад.

***

Суханони аҳмақонаву аблаҳонаро фикр карда, чаппаи онро гӯед, ҳикмат мешавад.

***

Дар роҳи росту ҳамвор ҳам, пешпо хӯрда афтодан ҳунар аст.

***

Тарки адаб дар миёни аҳли адаб камоли адаб аст.

***

Гоҳ-гоҳ касал нашуда истодан ҳам нишонаи касалист.

***

Онҳое, ки на худ кор карда метавонанд ва на мемонанд, ки дигарон кор кунанд, ба қуллаҳои баланди мансаб мерасанд.

***

Дар рафти сӯҳбат ягон чиз гуфтан хоҳед, ҷим шинед: гапи шуморо ҳама мефаҳманд.

***

‒ Ман ҳақиқати ҳолро худам дуруст намедонам, вале аниқ медонам, ки шумо ҳақ нестед.

***

Одам ҳар чӣ қадар қаллобу фиребгару беномус шавад, ҳамон қадар бою бадавлат мегаштааст.

***

Хамирмояи кулли молу давлат дуздӣ будааст.

***

Барои пойдории оила гоҳ-гоҳ зану шавҳар бояд бо ҳам ҷанг карда истанд.